სკოლა დღეს

მასწავლებელს  ყველა სხვა პროფესიის ადამიანზე მეტად მოეთხოვება ზნეობრივი სიწმინდე, პოლიტიკური სიმწიფე,  გულისხმიერება და გულკეთილობა, ფართო განსწავლულობა და საქმისათვის თავდადება. სწორედ ეს თვისებები ახასიათებთ  წმინდა ნინოს  სახელობის N3 საჯარო სკოლის მასწალებელთა დიდ ნაწილს, სკოლის თავკაცს ბატონ თამაზ ჭაბუკიანს, რომელიც მაქსიმალურად ცდილობს მუშაობა წარმართოს სკოლის რეფორმის მოთხოვნების შესაბამისად. სკოლაში 89 პედაგოგია, აქედან სერთიფიცირებულია - 46.       

საქართველოს განათლებისა და მეცნიერების სამინისტრომ სერთიფიცირების საქმეში არსებული ხარვეზების გამოსასწორებლად უკვე გადადგა ნაბიჯი, როცა სკოლაში შეიქმნა მასწავლებელთა პროფესიული განვითარების ჯგუფი ე.წ. „შვიდკაცა“. უკვე რამდენიმე წელია „შვიდკაცას“ ინიციატივით ტარდება გაკვეთილები რუბრიკით „კრიტიკული მეგობარი“.

სკოლაში შეიქმნა მასწავლებელთა საქმიანობის დაწყების, პროფესიული განვითარებისა და კარიერული წინსვლის სქემაში ჩართული მასწავლებელთათვის შეფასების ჯგუფი.  

სასწავლებელი  ჩართულია დაწყებითი განათლების  G-PRIED-ის პროექტში.

საქართველოს განათლების და მეცნიერების სამინისტროს მიერ გამოცხადებულ კონკურსში „ინივაციურ მასწავლებელთა ფორუმი“ პირველი ადგილი დაიკავეს  პედაგოგებმა: მ. ლომთაძემ, ზ. მუშკუდიანმა და ნ. სულაკაძემ.

საქართველოს განათლებისა და მეცნიერების  სამინისტროს მიერ  გამოცხადებულ   საერთაშორისო გუნდურ-ინტეგრირებული   პროექტების კონკურსში დიპლომები  და ფულადი  პრემიები დაიმსახურეს  პედაგოგებმა: მ. უჩაძემ, ი. სულაბერიძე,  ნ.სვანიძე, ზ. მუშკუდიანმა, მ. ბუდაგაშვილმა, მ. ლომთაძემ და ნ. ასათიანმა.

აშშ-ის საელჩოს ინიციატივით ეწყობა FLEX-ის პროგრამა, სკოლის გამარჯვებული მოსწავლეები ყოველწლიურად სწავლას აგრძელებენ ამერიკის სხვადსხვა სკოლებში.

ინგლისური ენის  პედაგოგები  აქტიურად არიან ჩართული  აშშ-ის საელჩოსა და ბრიტანეთის საბჭოების მიერ  ინიცირებულ  საგანმანათლებლო პროექტებში.  ინგლისური ენის პედაგოგი  თინათინ კუტივაძე  საქართველოს ინგლისური ენის მასწავლებელთა  ასოციაციის   ქუთაისის ფილიალის  ხელმძღვანელია   და  ასევე ბრიტანეთის საბჭოს ტრენერი.

  საქართველოს განათლებისა და მეცნიერების სამინისტრომ საბაზო საფეხურის  ათ ქულოსან მოსწავლეებს აჯილდოებს ლეპტოპებით, ხოლო საშუალო საფეხურის მოსწავლეებს ოქროსა და ვერცხლის მედლებით. ამ მხრივ გვაქვს გამორჩეული წარმატებები.სკოლამ შეხვედრა მოუწყო და სიგელი გადასცა ოქროს მედალოსან გიორგი ცხაკაიას, რომელმაც 2014-2015 სასწალო წელს ეროვნულ სასწავლო ოლიმპიადებში არნახულ წარმატებებს მიაღწია, თითქმის ყველა საგანში ქვეყნის მასშტაბით მან საპრიზო ადგილები დაიკავა.გიორგი ბიოლოგიის საერთაშორისო ოლიმპიადის  საქართველოს ეროვნული ნაკრების  წევრი  იყო, ოლიმპიადა  ჩატარდა დანიაში, სადაც  საქართველოდან  მიწვეული იყო ოთხი  მოსწავლე  მათ  შორის  იყო გიორგიც.

2015 წლის გაზაფხულზე  ინგლისური ენის პედაგოგების (თ.კუტივაძე,ა.ჩაჩხიანი,ს.ხვადაგიანი,ზ. მუშკუდიანი) ინიციატივით ჩატარდა  ოლიმპიადა ინგლისურ ენაში.  გამარჯვებულებს აშშ-ის  საელჩოს წარმიმადგენლებმა   გადასცეს  სერთიფიკატები და ფასიანი საჩუქრები.

მშობლებთან მუშაობა სასკოლო ცხოვრების მნიშვნელოვანი რგოლია. ტრადიციულად  სკოლაში  ტარდება გაკვეთილები  რუბრიკით: „მშობელი გაკვეთილზე“, „მეცნიერი გაკვეთილზე“ , „საეკლესიო პირი  გაკვეთილზე“.

ქუთაისის მერიის მიერ გამოცხადებულ კონკურსში „მერიის სტიპენდია წარმატებული მოსწავლეებისათვის“ სტიპენდიატები გახდნენ მე-12 კლასის მოსწავლეები: თამთა გიორგაძე (ქართული ენა), ანი მერკვილაძე (ინგლისური ენა).

საქართველოს დამოუკიდებლობის დღესთან დაკავშირებით 2013 წლის მაისში მოეწყო მასწავლებელთა და მოსწავლეთა გამოფენა „ულაპარაკოდ“. გამოფენას ესწრებოდნენ პარლამენტის თავმჯდომარე, პარლამენტის წევრები, გუბერნისაა და ქალაქი ხელმძღვანელობა. 

სკოლას სტუმრობდა პარლამენტის განათლების, მეცნიერებისა და კულტურის კომიტეტის თავმჯდომარე ბატონი ვანო კიღურაძე.

2013 წლის  მაისის  თვეში  საქართველოს  დამოუკიდებლობის  დღესთან  დაკავშირებით  ლადო მესხიშვილის  სახელობის სახელმწიფო  თეატრში  მოხდა  სკოლის ჰიმნის პრეზენტაცია.

ჰიმნი 

ფარავნის ტბას არხევს ქარი,

ზეცა ათასფერადდა.

მოდის ნინო ვაზის ჯვარით

იბერიის მხსნელადა.

მოდის სიბრძნით საქართველო,

აქ ყოველთვის მღერიან,

ჩვენ ერთად ვართ და ერთობით

ყველა ბედნიერია.

მის: მოდის, წმინდა ქალწული და

მოაქვს უფლის სანთელი,

ელის მიწა ქართული და

უკვდავების ნათელი.

განამტკიცა ჭეშმარიტად,

უსასრულო ნათელი,

„სახელითა უფლისათა“

ნეტარ იყოს ქართველი.

აქ დაირწა ბევრი დიდი

ერისკაცის აკვანი,

წმინდა ნინოს მადლით ყვავის

ჩვენი ცოდნის ტაძარი.

სწავლით უნდა ავამაღლოთ

ჩვენი ერის დიდება,

უფლის რწმენით ეს ქვეყანა

მალე გაგვიბრწყინდება.

ჩვენ მოვდივართ ერის ბურჯად,

სისხლი გვიდუღს ქართული,

სიმღერებად დავაქუხებთ

სადღეგრძელოს ფანდურით.

ეს სამჭედლო წმინდა ნინოს

უკვდავ სახელს ატარებს,

გევედრებით, დიდო დედავ,

კალთა გადაგვაფარე!!!

ტექსტის ავტორი: პოეტი ირმა ქურასბედიანი

მუსიკის ავტორი:    ნონა კვარაცხელია

სკოლაში მუშაობს ქორეოგრაფიული ანსამბლი „ნინო“ (სამხატვრო ხელ-ლი ნუგზარ ნინიძე, ქორეოგრაფი ხათუნა ლევიძე). ანსამბლი არაერთი ლაურეატობის ტიტულის მფლობელია.

აშშ-ის საელჩოს თანადგომითა და  პედაგოგების: მ.ლომთაძის,  თ. კუტივაძის,  ხ. ფუტკარაძისა და ზ. მუშკუდიანის ხელმძღვანელობით ლ.მესხიშვილის სახელობის სახელმწიფო თეატრში მოსწავლეთა ძალებით დაიდგა ინგლისურენოვანი მიუზიკლი „ველური დასავლეთი“ და სპექტაკლი “Beauty is the Beast”.

2009-2010 სასწავლო წლებში სასკოლო თეატრების ფესტივალზე სკოლის მოსწავლეების მიერ დადგმულმა პიესამ „წმიდასა და ნეტარსა“ (რეჟისორიავთანდილ სახამბერიძე, მუსიკალური გაფორმება ინგა ბრეგაძე) პირველი ადგილი დაიკავა.

ასეთია სსიპ წმინდა ნინოს სახელობის ქ.ქუთაისის №3 საჯარო სკოლის მიერ განვლილი გზა, მისი წარსული და აწმყო...  თუმცა ყველაფრის ჩატევა ამ მოკლე მონათხრობში შეუძლებელია. სასწავლებლის ისტორიის შესწავლამ სურვილი აღძრა, რომ შეიქმნას ვრცელი წიგნი, რომელშიც საფუძვლიანად იქნება მოთხრობილი სკოლის  წარსულსა და დღევანდელობაზე, სახელოვან პედაგოგიურ კოლექტივზე, კურსდამთავრებულებზე, ამიტომ ნურავინ გვიწყენს, თუ აქ ყველას სათანადო პატივი ვერ მივაგეთ...

            ჩვენი სკოლა სასწავლო-აღმზრდელობითი პროცესის სრულყოფის ძიებით ხვდება თავისი არსებობის 170 წლისთავს. იუბილის დღეებში შეჯამდება სკოლის მიერ გამოცხდებული კონკურსების შედეგები: „საუკეთესო მასწავლებელი“, „საუკეთესო მოსწავლე“, „საუკეთესო კლასის ხელმძღვანელი“, „საუკეთესო მშობლი“, „საუკეთესო კურსდამთავრებული“.

გვწამს, სკოლა კვლავაც ივლის იმ დიადი, ნათელი და ამაღლებული გზით, რომლითაც აქამდე უვლია...

         ისევ იწკრიალებს ზარი ქართველი ერის, ქართული ენის, საქართველოს სადიდებლად!

               მტრის ჯინაზე

   ეს იყო ასე, გუშინ, გუშინწინ,

  თითქოს დარია,  მაგრამ  გულში წვიმს.

  მოჩანდა შორით  ავი სხეული,

  დღეს  შენ  წინაშე  ვარ  მუხლმოყრილი,

  მესმოდა  შორი   უცხო  ყროყინი,

  ნისლია,  მაგრამ   მზე  ჩანს  გუგებში,

  ისევ   ნისლიდან   მესმის ნუგეში,

  თუმც ძველ  სიყვარულს   მტერი  თიშავსო,

  შენ   მტრის  ჯინაზე  მღერი  ძვირფასო,

 ლექსს  ამბობდი  და ვიცრემლებოდი

 და  შენს   სიყვარულს   მტკიცედ  ვჩემობდი

 გულის ტკივილი   გადამავიწყე,

 ვეცი გველეშაპს  და დავამიწე,

 აწმყოც  შენია, მომავალიცა

  შენივ  წარსული მოვა,  დაგიცავს,

 ჟამს  ბორეტების  ზიხარ  მირონში

 გფარავდეს  ჯვარი  წმინდა ნინოსი.

                                                           ჯანსუღ ჩარკვიანი

წმინდა ნინოს მადლი ჰფარავდეს სრულიად საქართველოს, ჩვენს ქალაქს, სკოლას, პედაგოგიურ კოლექტივსა და მის აღსაზრდელებს.

დალოცვილ იყოს გზა მომავლისკენ !